വ്യക്തികള്‍ .....ഹസ്സന്‍ ഭായ്

 

ഹൃദയമില്ലെങ്കിൽ എന്ത് മനുഷ്യൻ?ധർമ്മമില്ലെങ്കിൽ എന്ത് മനുഷ്യൻ?? സ്നേഹവും ബന്ധവും കടപ്പാടും ഇല്ലെങ്കിൽ എന്തുമനുഷ്യൻ ??? ഈ ചോദ്യം, സംഗീതം രക്തത്തിൽ അലിഞ്ഞു ചേർന്ന, സംഗീതത്തിൽ എല്ലാ സദ്‌ ഗുണവും ഉണ്ടെന്നു വിശ്വസിച്ചു വരുന്ന ,മഹാനായൊരു കലാകാരന്റേതാണു. അത് ജീവിതത്തിൽ ചെയ്തു കാണിയ്ക്കുകയും, മറ്റുള്ളവരിലെയ്ക്കു പകർന്നുകൊടുക്കുന്നത് തപസ്യയാക്കുകയും ചെയ്യുന്ന കലാകാരൻ -ഉസ്താദ് ഹസ്സാൻ ഭായ് എന്ന എ.സി.ഹസ്സൻ, ലോകപ്രസിദ്ധ ഷെഹനായ് വാദകൻ ഉസ്താദ് ബിസ്മില്ലാഖാന്റെ കേരളത്തിലെ ഒരേ ഒരു ശിഷ്യൻ. തന്റെ കുടുംബക്കാർക്ക്‌ മാത്രമായി പ്രത്യേകമായുണ്ടാക്കുന്ന ഷെഹനായി നൽകി ,കേരളത്തിലെ ബിസ്മില്ലാഖാൻ നീയാകണം എന്ന ഗുരുവിന്റെ അനുഗ്രഹം അന്വർത്ഥമാക്കി സംഗീതം തന്റെ മതവും വിശ്വാസവുമായി കാസർക്കോട് ജില്ലയിൽ കോളിയടുക്കം എന്നാ ഗ്രാമത്തിൽ വാടക വീട്ടിൽ കുടുംബത്തോടൊപ്പം കഴിയുന്ന ഉസ്താദ്. അദ്ദേഹം സമ്പന്നതയിൽത്തന്നെയാണു ജനിച്ചത്. അറേബ്യൻ പാരമ്പര്യകുടുംബത്തിൽ 1942-ൽ ബ്രിട്ടീഷ്‌ ഇന്ത്യൻ പട്ടാള കാപ്ടന്റെ മകനായി ജനിച്ചു, നേവിയിൽ ജോലിചെയ്യുന്ന കാലത്ത് ലോകം ചുറ്റുകയും ധാരാളം സംഗീതം പഠിയ്ക്കുകയും ചെയ്തു. 30-ഓളം സംഗീതോപകരണങ്ങൾ അനായാസമായി ഉസ്താദ് കൈകാര്യം ചെയ്യും. എല്ലാവരിലും സംഗീതമുണ്ടെന്നും താളത്തിലുള്ള ഹൃദയ മിടിപ്പ് തിരിച്ചറിഞ്ഞാൽ എല്ലാവരും നന്മയുള്ളവരായി തീരുമെന്ന് വിശ്വസിയ്ക്കുന്ന ഉസ്താദിനു എല്ലാ ആശംസകളും.......