സ്പന്ദനങ്ങള്‍ ----പ്രതിക്കൂട്ടില്‍ ..,live in d pre

August 24, 2016 · 

Uma Namboodiri
4 mins · 
സ്പന്ദനങ്ങൾ :-- കൃഷ്ണായ നമ :
(തിരിച്ചറിവുകൾ)
പ്രതിക്കൂട്ടിൽ നിൽക്കുന്നവനെ വീണ്ടും വീണ്ടും വിസ്തരിച്ചു. ആകെ തളർന്നു, വിയർത്തൊലിയ്ക്കുന്നു.
വാ തുറന്നു ഒന്നും പറയാതെ, പറയാതേകണ്ട് പറയുന്ന ഒരു പ്രതി. 
മുഖത്തു സദാ നിറഞ്ഞു നിൽക്കുന്ന പുഞ്ചിരി മാത്രം. 
ആ പുഞ്ചിരിയിൽ മയങ്ങാതെ ധൈര്യം നടിച്ചു നിൽക്കുന്ന ചോദ്യ കർത്താവ്! 
ഈശ്വരാ, ഇതെന്തു പരീക്ഷണം!
ആത്മസംയമനം പാലിക്കാൻ ശ്രമിയ്ക്കവേ, ആത്മഗതം അങ്ങിനെ പൊട്ടി ഒഴുകുകയാണ്.
ഇതെന്താ, വല്ല മുജ്ജന്മ വൈരാഗ്യമാകുമോ, ഈശ്വരാ!
ഓർമ്മയിൽ ആർക്കും വാക്കാലോ, പ്രവർത്തിയാലോ ദ്രോഹമെന്നും ചെയ്തുപോയിട്ടില്ലല്ലോ! 
ഒരാളുടെ ഊണും ഉറക്കവും കവർന്ന് സ്വൈരം കെടുത്തുന്നത് എന്ത് ന്യായമാണ്, ദൈവമേ!
ഇങ്ങിനെയൊരു ജീവിതം എന്തിനാണീശ്വരാ, സ്വൈരവും ശാന്തിയും സമാധാനവുമില്ലാതെ!

പകപോക്കാനായിട്ടു സദാ കൂടെനടക്കുന്ന നീയാരാണ്?
സത്യം പറയ് !
ഈശ്വരാ, ഈ പ്രതി ആരാണെന്നു മനസ്സിലായെങ്കിൽ! 
കുറച്ചു ഉറക്കെയാണ് ചോദിച്ചത്.
മറുപടി :-'ഞാൻ ആരാണെന്നോ, ആദ്യം നീ ആരാണെന്നു മനസ്സിലാക്ക്'
പെട്ടെന്നാണ് ആ പുഞ്ചിരി പൊട്ടിച്ചിരിയായി മാറിയത്.
ഒരു നിമിഷത്തെ നിശ്ശബ്ദത ! ആ മുഖത്തിന്റെ വശ്യത കണ്ണുകളെ തഴുകിത്തലോടി അടച്ചു പിടിച്ചു.
ഉള്ളിലെ കണ്ണുകൾ മിഴിയുന്നുണ്ടോ?
മൗനമായപ്പോൾ വിദൂരതയിൽ നിന്നും എന്താണ് കേൾക്കുന്നത്? 
ഇവിടെ "ഞാൻ" മാത്രമേ ഉള്ളല്ലോ! സാക്ഷിയും, പ്രതിയും വിചാരണ ചെയ്യന്നവനും, ന്യായാധിപനും എല്ലാം ഞാൻ തന്നെ. പിന്നെ, അതാരാ ആ അപരൻ? 
എന്റീശ്വരാ.....

ഇതാരാ, ഉള്ളിലിരുന്ന് ഇങ്ങിനെയൊക്കെ ചെയ്യ്ക്കുന്നതു?
കൃഷ്ണാ, ഗുരുവായൂരപ്പാ! ഇതെന്താ, കടലുപോലെ ഇളകിമറിയുന്ന എന്റെ മനസ്സിലെ തിരമാലകൾ എവിടെപ്പോയി? 
ഏഴാംകടലിന്നപ്പുറത്തു നിന്ന് ഒഴുകി വരുന്നത് ഓടക്കുഴൽ നാദമോ?

പ്രതിരൂപം മൃദുവായി മന്ത്രിക്കുന്നത് കേൾക്കുന്നു- ദേ, ഇപ്പൊ,5 നിമിഷത്തിൽ ൧൫ പ്രാവശ്യം എന്നെ സ്മരിച്ചു, എന്നെ വിളിച്ചു.വീണ്ടും വീണ്ടും വിളിച്ചു. നിന്റെ ഉള്ളിൽ അദൃശ്യനായി എപ്പോഴും കൂടെയുള്ള എന്നെ നാളിതുവരെ നീ അറിഞ്ഞില്ല. 
അകക്കണ്ണ് തുറന്നു വെക്കുക, ശ്രദ്ധിയ്ക്കുക മൗനത്തിലിരിയ്ക്കുക-എന്നെ അനുഭവിക്കാം.

ഓം ജയ് ജഗദീശ് ഹരേ !!

August 13, 2015 · 

SoShnfgtoAcStpuSgonusst io1rg3,des 2n01d5  · 

Shared with Your friends

ടപ്,ടപ്,ടപ്.....തിരിച്ചടച്ച 'ടാപ്പില്‍'-ല്‍ നിന്നും വെള്ളത്തുള്ളികള്‍ ഇറ്റ് ഇറ്റ് വീണു കൊണ്ടിരിക്കുകയാണ് ബക്കറ്റിലെയ്ക്ക്. ഒരു സെക്കന്റില്‍ ഒരു തുള്ളി വെള്ളം എന്ന കണക്കില്‍. അങ്ങിനെ ഒരു ബക്കറ്റു നിറഞ്ഞു,രണ്ടാമത്തേതും, മൂന്നാമത്തേതും.....പാത്രങ്ങള്‍ നിറഞ്ഞു കവിഞ്ഞുകൊണ്ടേയിരിയ്ക്കുന്നു.

സ്നേഹവും അങ്ങിനെത്തന്നെ....സ്നേഹത്തിനു അതിരുകളോ, അളവുകളോ ഇല്ല. പലപ്പോഴും നിയന്ത്രണം വെക്കട്ടെ എന്നുവെച്ചാലും അതങ്ങിനെ അനുസ്യൂതമായി ഒഴുകിക്കൊണ്ടിരിയ്ക്കും. സ്നേഹം സത്യമാണ്, ശാശ്വതമാണ്....

----------------- ======---------------

പ്രകൃതി ദുരന്തങ്ങൾ ആവർത്തിച്ചുകൊണ്ടിരിയ്ക്കുന്നു........

ഒട്ടും പ്രതീക്ഷിയ്ക്കാത്ത സമയത്ത് പെയ്ത തുടര്‍ച്ചയായ മഴ !

മൊബൈല്‍, ടീവി, റേഡിയോ, ഫോണ്‍, പത്രം.....ഇതൊന്നും ഇല്ലാതെ പൂര്‍ണ്ണമായും 4 ദിവസം ...

മരങ്ങള് കടപുഴങ്ങിയും, വലിയ കൊമ്പുകള്‍ പൊട്ടിച്ചാടിയും......നാശനഷ്ടങ്ങള്‍

തോട്ടത്തില്‍ നമസ്ക്കരിച്ചു കിടക്കുന്ന നിരവധി വാഴകള്‍......കവുങ്ങുകള്‍....കറന്റു പോയി....ഇന്ന് വരും, നാളെ വരും എന്നു കാത്തിരുപ്പ്....

inverter ല് കുറച്ചു കറന്റ്.പിശുക്കിവെച്ചു......ഒരു മൊബൈല്‍ എങ്കിലും ജീവനോടെ ഇരിക്കട്ടെ....ഇടയ്ക്കിടെ കറന്റ് ആപ്പീസിലേക്ക് വിളിച്ചു ചോദിക്കും....എവിടെയൊക്കെയോ ദുരന്തങ്ങള്‍ എന്നു മാത്രം അറിഞ്ഞു.

തീവണ്ടിയുടെ കൂവല്‍ കേള്‍ക്കാതായി. .

കുറ്റിപ്പുറം --തിരൂര്‍ റോഡ്‌ വെള്ളം കയറി ഗതാഗതം നിലച്ചു...

.....

രാത്രികളില്‍ എണ്ണ വിളക്കുകള്‍ തെളിഞ്ഞു..

..

ഭാരതപ്പുഴയിലെ വെള്ളം റോഡും, റയിലും കടന്ന് പാടം നിറച്ചു. കുളവും, പാടവും, തോട്ടവും ഒന്നായി..തോട്ടത്തില്‍ മുട്ടിന മേലെ വെള്ളം. ‍ .കിണറിലെ വെള്ളം ഭൂ നിരപ്പിലായി.

പാടത്തിന്റെ വക്കത്ത് താമസിക്കുന്നവര്‍ ഉയര്‍ന്ന പ്രദേശ്ങ്ങളിലേക്ക് മാറി. കഴിഞ്ഞതവണത്തെപ്പോലെ ഇല്ലെങ്കിലും അവര്‍ക്ക്ന നാശനഷ്ടങ്ങള്‍ ഉണ്ടായി.

പിന്നീടാണ് ഇത്രയധികം ജീവനും മറ്റും ദയനീയമായി നഷ്ടപ്പെട്ട വാര്‍ത്തകള്‍ കേട്ടത്. മറ്റുള്ളവരുടെ.ദുരന്തകഥ കേള്‍ക്കുമ്പോള്‍ നമുക്ക് ഒന്നും ഒരു പ്രശ്നവും ഇല്ലല്ലോ എന്ന ചിന്ത !

പ്രക്രുതിമാതാവിനോട് പ്രാര്ത്ഥിച്ചു ...........‍ആരെയും കഷ്ടപ്പെടുത്തരുതേ.......

ഒരുകൂട്ടം പണക്കൊതിയന്മാര്‍ പ്രകൃതിയെ നശിപ്പിച്ച് ധനം കൂട്ടിവെക്കുന്നതിന്റെ തിക്തഫലം അനുഭവിക്കുന്നത് പലതുള്ളി പെരുവെള്ളം പോലെ അദ്ധ്വാനിച്ചു സ്വരുക്കൂട്ടി വെച്ച് സ്വന്തമായി തലചായ്ക്കാനൊരിടം പണിത് കേറിക്കിടക്കും മുന്‍പ് അതും, ജീവനുംകൂടി നഷ്ടപ്പെടുന്നവരുടെ കണ്ണീര് എങ്ങിനെ ഒപ്പാനാകും?? സാന്ത്വനവാക്കുകള്‍ക്ക് കൂടി എന്ത് പ്രസക്തി??

നമ്മുടെ ആവാസവ്യവസ്ഥ, .ഭൂമിയുടെ കിടപ്പ്, മണ്ണിന്റെ തരം.ഇതൊന്നും അറിയാതെയുള്ള കൃഷി....‍

നമ്മടെ നാടിനെ നിലനിര്‍ത്തിയിരുന്ന മലകളും കുന്നുകളും വെട്ടിവെളുപ്പിച്ചു ചായയും , കാപ്പിയുമൊക്കെ കൃഷി ചെയ്താല്‍ നല്ല ലാഭമാണെന്ന് വിദേശികള്‍ പഠിപ്പിച്ചുതന്നു.

യന്ത്രങ്ങള്‍, കുന്നുകളും പാറകളുമൊക്കെ ഇടിച്ചു പൊളിച്ചു ഭൂമിയുടെ മുഖം വികൃതമാക്കി.. വയലുകള്‍ .കരഭൂമിയായി മാറി.

2019, august 12

പ്രകൃതിയാണ് നമ്മളെ നിലനിര്‍ത്തുന്നതെന്ന പ്രധാന സത്യം മറന്ന മനുഷ്യര്‍ !!

പശ്ചിമഘട്ടത്തിനെ സംരക്ഷിച്ചില്ലെങ്കില്‍ കേരളം അധികം താമസിയാതെ ഈ ഭൂമുഖത്ത് നിന്ന് അപ്ര ത്യക്ഷമാകും.

കേരളഭൂമിയെ നശിപ്പിക്കാന്‍ ഒരുങ്ങിനടക്കുന്നവര്‍ക്ക് വേണ്ട ഒത്താശ ചെയ്തുകൊടുക്കുന്ന ഭരണ കൂടം.....

പ്രകൃതി ദുരന്തങ്ങളില്‍ നിന്ന് ഒരു പാഠവും പഠിയ്ക്കാത്ത ദേശവാസികള്‍.!!...

ഈശ്വരോ രക്ഷതു !

പ്രിയപ്പെട്ട എഫ് ബീ,

ദിവസവും ഉത്സാഹത്തോടെ തുറന്നു നോക്കുകയും അടച്ചു വെയ്ക്കുകയും, ചെയ്യുന്ന പ്രക്രിയ ഉണ്ടല്ലോ അത്കൊണ്ട് എന്ത് നേടി എന്നൊന്ന് ചിന്തിച്ചു നോക്കി..... pa ലരുമായി സൗഹൃദം ഉണ്ടാക്കാനും, ഉള്ളവരോട് ചെറുതായി പഴയ സ്നേഹബന്ധങ്ങള്‍ ഊഷ്മളമാക്കാനും സാധിച്ചതും വേണമെങ്കില്‍ നേട്ടമായി കണക്കാക്കാം...

പലപ്പോഴും ബോറടി തോന്നുകയും, ഇതില്‍ നിന്നൊക്കെ വിട്ടുമാറി നില്‍ക്കാനും തോന്നിയിരുന്നെങ്കിലും ഇന്ന് ആ സൗഹൃദം  കൊണ്ടുള്ള നേട്ടം നിന്നോടു കടപ്പാടുള്ളതാക്കിതീര്ത്തിരിയ്ക്കുന്നു ...

എന്‍റെ ജീവിതത്തിലെ പ്രധാന സംശയം, fb--വഴി മാറിക്കിട്ടി ....നന്ദി, fb, നന്ദി !!! പലപ്പോഴും തോന്നിയിട്ടുണ്ട്, അയ്യോ, അങ്ങിനെ പറയേണ്ടിയിരുന്നില്ല, അങ്ങിനെ ചെയ്യേണ്ടിയിരുന്നില്ല എന്നൊക്കെ... ഒരു ചെറിയ കുറ്റബോധം സദാ വേട്ടയാടിക്കൊന്ടെയിരുന്നതു മാറിക്കിട്ടിയത് f.b-യിലെ സംപര്‍ക്കംമൂലം...

ഇഷ്ടമായാലും ഇല്ലെങ്കിലും ലൈക്‌ കുത്തുകയും, മറ്റുള്ളവരുടെ പ്രതികരണങ്ങളും, പോസ്റ്കളും വായിച്ചു രസിയ്ക്കുകയും,, പലപ്പോഴും ഷെയര്‍ ചെയ്യലും ആകെ ഈ മുഖ്പുസ്തകം എന്നെ സംബന്ധിച്ചേടത്തോളം ഈയിടെയായി ആ പേര് അന്വര്‍ത്ഥമാക്കിയിരിയ്ക്കുന്നു.

 അതുകൊണ്ട് പ്രിയപ്പെട്ട മുഖപുസ്തകമേ, തല്‍ക്കാലം ഞാന്‍ നിന്നെ വിട്ടു പോകുന്നില്ല.... 

മുഖം മനസ്സിന്റെ കണ്ണാടി.....മനസ്സിന്റെ കണ്ണാടി പുസ്തകമേ, വീണ്ടും നന്ദി..... dec12, 2014

പ്രിയപ്പെട്ട എഫ് ബീ, ദിവസവും ഉത്സാഹത്തോടെ തുറന്നു നോക്കുകയും അടച്ചു വെയ്ക്കുകയും, ചെയ്യുന്ന പ്രക്രിയ ഉണ്ടല്ലോ അത്കൊണ്ട് എന്ത് നേടി എന്നൊന്ന് ചിന്തിച്ചു നോക്കി..... പലരുമായി സൗഹൃദം ഉണ്ടാക്കാനും, ഉള്ളവരോട് ചെറുതായി പഴയ സ്നേഹബന്ധങ്ങള്‍ ഊഷ്മളമാക്കാനും സാധിച്ചതും വേണമെങ്കില്‍ നേട്ടമായി കണക്കാക്കാം... പലപ്പോഴും ബോറടി തോന്നുകയും, ഇതില്‍ നിന്നൊക്കെ വിട്ടുമാറി നില്‍ക്കാനും തോന്നിയിരുന്നെങ്കിലും ഇന്ന് ആ സൗഹൃദം കൊണ്ടുള്ള നേട്ടം എന്നെ വളരെ നിന്നോടു കടപ്പാടുള്ളതാക്കിതീര്ത്തിരിയ്ക്കുന്നു ... എന്‍റെ ജീവിതത്തിലെ പ്രധാന സംശയം, fb--വഴി മാറിക്കിട്ടി ....നന്ദി, fb, നന്ദി!!! പലപ്പോഴും തോന്നിയിട്ടുണ്ട്, അയ്യോ, അങ്ങിനെ പറയേണ്ടിയിരുന്നില്ല, അങ്ങിനെ ചെയ്യേണ്ടിയിരുന്നില്ല എന്നൊക്കെ... ഒരു ചെറിയ കുറ്റബോധം സദാ വേട്ടയാടിക്കൊന്ടെയിരുന്നതു മാറിക്കിട്ടിയത് f.b-യിലെ സംപര്‍ക്കംമൂലം... ഇഷ്ടമായാലും ഇല്ലെങ്കിലും ലൈക്‌ കുത്തുകയും, മറ്റുള്ളവരുടെ പ്രതികരണങ്ങളും, പോസ്റ്കളും വായിച്ചു രസിയ്ക്കുകയും,, പലപ്പോഴും ഷെയര്‍ ചെയ്യലും ആകെ ഈ മുഖ്പുസ്തകം എന്നെ സംബന്ധിച്ചേടത്തോളം ഈയിടെയായി ആ പേര് അന്വര്‍ത്ഥമാക്കിയിരിയ്ക്കുന്നു. അതുകൊണ്ട് പ്രിയപ്പെട്ട മുഖപുസ്തകമേ, തല്‍ക്കാലം ഞാന്‍ നിന്നെ വിട്ടു പോകുന്നില്ല.... മുഖം മനസ്സിന്റെ കണ്ണാടി.....മനസ്സിന്റെ കണ്ണാടി പുസ്തകമേ, വീണ്ടും നന്ദി..... 

 dec12, 2014

DencalfietmbestuSrelpohr mn14s,eor 20ae14ed 

എന്ത് വിഡ്ഢiത്തം കുറിച്ചാലും എനിയ്ക്കൊരുപാട് 'ലൈക്‌ ' കിട്ടി എന്ന് വീമ്പടിയ്ക്കുകയല്ലേ , ഈ തലമുറ ?എഴുതുന്നതെല്ലാം അവര്‍ക്ക് കവിതയാണ് .അതിനെ ലൈക്‌ ചെയ്യാന്‍ കുറേ ആളുകളും.ഉത്തമ കവിത,ശ്രേഷ്ഠ കവിത എന്തെന്നറിയേണ്ട ആവശ്യം അവര്‍ക്കില്ലാ.നല്ലത് വായിക്കാനും അവര്‍ക്ക് സമയമില്ല.---ശ്രീമതി സുഗത കുമാരിയുടെ വാക്കുകള്‍

ഇക്കാരണം കൊണ്ടുതന്നെയാകാം, പണ്ട്, വെണ്മണിക്കവിയോ, അദ്ദേഹത്തിന്‍റെ സമകാലീകനോ ഇങ്ങിനെ എഴുതിയത്.

പൊട്ടിയ്ക്കാം തേങ്ങ ഭൂതേശാ

മുട്ടിയ്ക്കാതെയൊരാണ്ട് ഞാന്‍

പൊട്ടശ്ലോകങ്ങളുണ്ടാക്കും

ദുഷ്ടക്കൂട്ടം നശിയ്ക്കണേ.....

December 19, 2014 · 'കടലിലെയോളവും കരളിലെമോഹവും അടങ്ങുകില്ലാ ...' ഒന്നു കഴിഞ്ഞാല്‍ അടുത്ത തിരവന്നു തൊട്ടുതലോടിയും, ചിലപ്പോള്‍ ആഞ്ഞടിച്ചും കടല്‍, കരയോടു സ്നേഹപ്രകടനം നടത്താന്‍ തുടങ്ങിയിട്ട് കാലമെത്രയായെന്നു ആര്‍ക്കും അറിയില്ല. കടലില്‍ പെട്ടവരില്‍ കരയ്ക്ക്‌ കയറി രക്ഷപ്പെടാന്‍ കഴിഞ്ഞവര്‍ ഭാഗ്യവാന്മാര്‍. അല്ലാത്തവര്‍ മോഹമാകുന്ന തിരമാലകളായി കര തൊട്ടുകളിച്ചുകൊണ്ടേ ജീവിച്ചു പോകും....അനന്തമായ കടലിലെ അന്തമില്ലാത്ത തിരകള്‍ ! '

dec 11,2015

4 November 2014 at 09:56 ·

ഓം ഭൂര്‍ ഭുവ് സ്വഹ:

ഓരോ പ്രഭാതത്തെയും സുപ്രഭാതമാക്കുന്നത് ആദിത്യ ദര്‍ശനം തന്നെ. ഓരോ പ്രഭാതത്തിലും മരഅഴികള്‍ക്കിടയിലൂടെ സ്നേഹരശ്മികള്‍ പരത്തി ആശ്വാസവും ഉന്മേഷവും വാരി വിതറി അടുക്കളയെ ഐശ്വര്യവത്താക്കുന്ന ആദിത്യഭാഗവാന് നമസ്ക്കാരം!

12000 അടി മുകളിൽ കേദാരിൽ അനുഭവിച്ച സൂര്യോദയം വിവരണാതീതമായ അനുഭൂതിയായി ഇപ്പോഴും മനസ്സില്‍ നിറഞ്ഞു നിൽക്കുന്നു..

അതിരാവിലെ കട്ടിലിൻറെ തലയ്ക്കലുള്ള ചെറിയ ജനൽ, അതി കഠിനമായ തണുപ്പുണ്ടെങ്കിലും തുറന്നു..വിശ്വസിയ്ക്കാനാവാത്ത, വർണ്ണിയ്ക്കാൻ വാക്കുകളില്ലാത്ത കാഴ്ച്ച. നിശ്ശബ്ദമായി നോക്കികണ്ടു..മഞ്ഞുപുതച്ചു കിടക്കുന്ന മലകൾക്കു പിന്നിൽ നിന്നും കുറേശ്ശെ കുറെശ്ശേയായി ഉയർന്നു പൊങ്ങുന്ന ചുവന്ന തളിക,അതിൽ നിന്നും പുറപ്പെടുന്ന ചുവന്ന രശ്മികൾ വെളുത്ത ഹിമക്കട്ടകളിൽതട്ടി സ്വർണ നിറം എമ്പാടും പരത്തുന്നു..നോക്കിക്കൊണ്ടിരിയ്ക്കവേ, സുവർണ്ണരശ്മികൾ പതുക്കെ വെള്ളി രശ്മികളായി മാറുന്നു..നല്ല നിലാവെളിച്ചത്തിന്റെ കുളുര്മ്മ! (ബദരിയിലും ഇതേ അനുഭവം തന്നെ)

ഭാരതത്തില്‍, സൂര്യരശ്മി ആദ്യം പതിയ്ക്കുന്ന ഒറീസ്സയിലെ കൊണാർക്ക്‌ സൂര്യ ക്ഷേത്രത്തിനടുത്തുള്ള ബീച്ചിൽ അതിരാവിലെ 4-41/2 യ്ക്ക് എത്തിച്ചേർന്നാൽ, ആകാശത്തിന്റെ വെളിച്ചത്തിൽ (ചിലപ്പോൾ ചന്ദ്രന്റെയും, നക്ഷത്രങ്ങളുടെയും സാന്നിദ്ധ്യത്തിൽ) ഉദിച്ചു വരുന്ന സൂര്യൻ അതിമനോഹരം.

അതേപോലെ കന്യാകുമാരിയിലായാലും, ലോകത്തിന്റെ ഇതു മൂലയില്‍ നിന്നായാലും ഉദയസൂര്യന്‍ നല്‍കുന്ന ഉണരവ്വും ഊര്‍ജ്ജവും മറ്റൊന്നിനോടും ഉപമിയ്ക്കാന്‍ സാദ്ധ്യമല്ല. ...

സ്വന്തം വീട്ടുപറമ്പിലിരുന്നാലും നമ്മുടെ മുറ്റത്ത് വീഴുന്ന ആദ്യകിരണങ്ങൾ സ്വന്തം കണ്ണുകളിൽ സ്വാംശീകരിച്ചെടുക്കാനായാൽ ഭാഗ്യം തന്നെ.

പട്ടണങ്ങളിലെ ഉയർന്നു വരുന്ന കെട്ടിട സമുച്ചയങ്ങൾ പ്രഭാതത്തിലെ ഉദിച്ചുയരുന്ന ചുവന്നഗോളത്തെ കാണുവാന്‍ അതിനനുവദിയ്ക്കാതിരിക്കുമ്പോള്‍ കഷ്ടം തോന്നുകയാണ്..

ധനികനും,ദരിദ്രനും, പണ്ഡിതനും,പാമരനും ഒരേപോലെ, പിശുക്കില്ലാതെ പ്രപഞ്ചം വാരിക്കോരിത്തരുന്ന അമൂല്യദൃശ്യം !

അത് ആവോളം അനുഭവിയ്ക്കാന്‍ ഏവര്‍ക്കും സാധിച്ചെങ്കില്‍!

എല്ലാവർക്കും എന്നും മനോഹരമായ സുപ്രഭാതങ്ങൾ ആശംസിയ്ക്കുന്നു.

ഓം ഭൂര് ഭുവസ്വ:

ന്തരണ(????) 

മന്ത്രം മനസ്സില്‍ ഉരുവിട്ടുകൊണ്ട് ആ ബഞ്ചില്‍ നീണ്ടു നിവര്‍ന്നു കിടന്നു.......