ആണ്ടറുതികൾ ഓണം --- മാവേലി, സ്മരണ

Uma Namboodiri
9 hrs ·

മാവേലിയും മക്കളും മുറ്റത്തുനിന്നും അപ്രത്യക്ഷമായി. അരിമാവുകൊണ്ടണിഞ്ഞത് ചാറ്റൽ മഴയിലും .....
പൂക്കളത്തിന്റെ സ്ഥാനത്തു ജമന്തിയുടെയും, ചെണ്ടുമല്ലലിയുടെയും നേർത്ത ഇലകൾ പറ്റിക്കിടക്കുന്നു.
അകത്തളങ്ങളിൽ അങ്ങിങ്ങായി വർണ്ണക്കടലാസുകൾ, ചോക്ലേറ്റിന്റെയും, ഹൃദയത്തിന്റെ രൂപസങ്കല്പത്തിൽ വെട്ടിയെടുത്ത നിറമുള്ള കടലാസു കഷ്ണങ്ങൾ,ക്ലിപ്പുകൾ, റബ്ബർബാന്റുകൾ,സ്കെച്ച് പെൻ .......
.തെക്കിനിയിൽ ഫാനിന്റെ കാറ്റിലാടുന്ന തുണിത്തൊട്ടിൽ ......
ഇവിടെ തിരിഞ്ഞു നോക്കിയാലും ഉത്സവം കഴിഞ്ഞ പറമ്പുപോലെ.
എല്ലാം അവിടെ അങ്ങിനെ കുറച്ചു നേരം കൂടി കിടക്കട്ടെ എന്ന് കരുതി.

ഒരാഴ്ചയോളം ബഹളമയമായ കഴിഞ്ഞുകൂടി.മക്കളും,പേരക്കുട്ടികളും.മകന്റെ കൂട്ടുകാരും.
പതിനഞ്ചും,ഏഴും,.ഒന്നാം വയസ്സും കടന്നു പോകുന്ന പേരക്കുട്ടികൾ.
മാവേലിയുടെ സങ്കൽപം അടുത്ത തലമുറയിലേക്കു ഏതാ നുമൊക്കെ പകർന്നു നൽകാൻ അറിഞ്ഞോ അറിയാതെയോ ശ്രമം നടന്നുപോകുകയാണ്.
കൈകൊട്ടിക്കളിയോ തിരുവോണ നാളിലെ അട നേദിയ്ക്കലോ, വില്ലിന്മേൽ കൊട്ടാലോ,പൂവിളിയോ ഒന്നുമുണ്ടായില്ലെങ്കിലും ഓരോ നിമിഷവും ആനന്ദിയ്ക്കാൻ സാധിച്ചത് ഇത്തവണത്തെ ഓണ വിശേഷം

പക്ഷേ, വിഭവങ്ങളൊന്നും എണ്ണത്തിൽ കുറച്ചില്ല. ഒന്നാം തി മുതൽ ഊൺമുറി സജീവം. അടുക്കളയും.
ആനന്ദ ലബ്ധിയ്ക്കിനിയെന്തു വേണം?
നന്ദി പ്രത്യേകം പറയുന്നത് മകന്റെ കൂട്ടുകാരോട്, മക്കളോട്, മക്കളുടെ മക്കളോട്

.ഏറെനാൾക്കു ശേഷം പേരക്കുട്ടിയുടെ കൂടെ എല്ലാം മറന്നു ഏറെനേരം കുളത്തിൽ......മകളും പേരക്കുട്ടിയും തറവാട്ടിലെ ഓണസ്സദ്യ ഉണ്ട് വീണ്ടും വന്നു.
മകന്റെ കൂട്ടുകാരെ കണ്ടിട്ടും വര്ഷങ്ങളായി. ഇത്തവണ ഓസ്‌ട്രേലിയയിൽ നിന്നും ഓണത്തിനായി വന്ന ചങ്ങാതി. അവിടത്തെ കഥകൾ, വായിച്ച പുസ്തകങ്ങൾ......
തിരക്കിനിടയിലും ഒരുനാൾ പങ്കിടാൻ വന്ന നടനായ ചങ്ങാതി.നിഴൽക്കുത്തിൽ ആദ്യം അഭിനയിച്ചെങ്കിലും പേരെടുത്തത് ഫോർ ഡി പീപ്ൾ...ൽ ...പിന്നെ 'എന്റെ ഖല്ബിലെ............' .-അദ്ധ്യാപകനായ മറ്റൊരു സുഹൃത്ത്
ഏറെ നാളുകൾക്കു ശേഷം ചിരിച്ചു ചിരിച്ചു വയ്യാതായി. അവരുടെ കലാശാലാ ഓർമ്മകൾ പലതും എന്റേതും കൂടെ ആയതിനാൽ അതിന്റെ രസം വേറെത്തന്നെ.
കുശാലായി.
നല്ല ഓർമ്മകൾ സമ്മാനിച്ചു ആദ്യം മകനും,ഭാര്യയും, പേരക്കുട്ടികളും സ്ഥലം വിട്ടു. പിന്നെ മകന്റെ സുഹൃത്തുക്കളും മകളും കുട്ടിയും പടി കടന്നപ്പോൾ ശ്മാശാന മൂകത നിറഞ്ഞ വീടായിപ്പോയി............................

ഓണത്തിന്റെ ഓർമ്മകൾ സ്വന്തം ജീവിതത്തിന്റെ സ്മരണികതന്നെ. 
നാളേ യെ ഊർജസ്വലവും, സജീവവുമാക്കുന്നവ!
ഈ ഓണം ഏവർക്കും നല്ല ഓർമ്മകളും പൂർവാധികം ഉന്മേഷവും പകർന്നിട്ടുണ്ടാകുമെന്ന വിശ്വാസത്തിൽ കാത്തിരിയ്ക്കുന്നു-.-......
വീണ്ടുമൊരിക്കൽക്കൂടി മാവേലിയേയും പ്രിയപ്പെട്ടവരെയും കാണാൻ .............

September 3, 2017

Uma Namboodiri
September 3, 2016 at 1:22pm · 
Uma Namboodiri
Just now
മാവേലി സ്മരണയും ഓണവുമൊക്കെ എല്ല്ലാവർഷവും ചെയ്യുന്നുണ്ടു. ആർക്കെങ്കിലും മടുപ്പു തോന്നാറുണ്ടോ? 
ഇല്ലല്ലോ.....
ഇനി ഒരു മാറ്റം വേണം എന്നും ആരും ആഗ്രഹിക്കുന്നുണ്ടാകും എന്നും തോന്നുന്നില്ല....

.

ആ പൊയ്പ്പോയ നല്ല നാളുകളുടെ സ്മരണയിൽ വീണ്ടും വീണ്ടും ഓണമെന്ന ഉത്സവം ഉഷാറായി കൊണ്ടാടിവരുന്നു. ഒന്നല്ല, രണ്ടല്ല, ദിവസങ്ങളോളം ....

ഏകദേശം അതേ പോലെ തന്നെയാണ് പൂർവകാലസ്മരണകൾ അയവിറക്കുന്നതും.
എന്തെങ്കിലും നഷ്ടപ്പെട്ടു പോയല്ലോ എന്ന ചിന്തയിലല്ല, എന്റെ ബാല്യകാലത്തെ ഞാൻ ഓർക്കുന്നത്. നേരെ മറിച്ചു ആ ചിന്തകൾ എന്നിൽ ഊർജ്ജവും, കരുത്തുമാണ് പകരുന്നത്. 
നഷ്ടബോധത്തോടെയല്ല, ആ നല്ല നാളുകളെ സ്മരിക്കുന്നത്. നേരെ മറിച്ചു എനിക്ക് കിട്ടിയ സുഖം, ആനന്ദം എന്നിവയെക്കുറിച്ചോർക്കുപോൾ പൂർവാധികം ഉണർവും ഉത്സാഹവുമാണ് അനുഭവപ്പെടുന്നത്.
എന്റെ പൈതൃകത്തിലും, എന്റെ മാതൃകത്തിലും ഊറ്റം കൊള്ളുന്നു. എന്റെ ഗുരുകാരണവർമാരെ സ്മരിയ്ക്കുന്നതു മനസ്സിന് കുളിർമ്മയുണ്ടാക്കുന്നു.
അല്ലലും അലട്ടും ഇല്ലാതെ കഴിഞ്ഞുപോയ ബാല്യത്തിനും കൗമാരത്തിനുമൊക്കെ ആരോടാണ് നന്ദി പറയേണ്ടത് ??

മറ്റുള്ളവരുടെ സങ്കടങ്ങൾ കാണുമ്പോഴും കേൾക്കുംപോഴുമാണ് എത്ര ഭാഗ്യവതിയാണ് അല്ലെങ്കിൽ ആയിരുന്നു എന്ന വസ്തുത ബോധ്യം വരുന്നത്.
ജീവിതത്തിലെ സുപ്രധാന കാലം -ദുഃഖം എന്താണെന്നു അറിയാതെ വളർന്ന കാലം .....
.അക്കാലത്തെ അനുഷ്ഠാനങ്ങളിൽ വളരെ ചിലതു മാത്രമേ, ഇതൊന്നും വേണ്ടാത്തതാണ് അല്ലെങ്കിൽ പഴഞ്ചൻ, കാടൻ എന്നൊക്കെ ഇന്നും തോന്നുന്നുള്ളൂ. കാരണം, ഈ പ്രപഞ്ചമാണ് സത്യം, പ്രകൃതിതന്നെയാണ് ഈശ്വരൻ എന്ന സങ്കല്പത്തിൽ ഇപ്പോൾ അടിയുറച്ചു വിശ്വസിക്കുന്നത് കൊണ്ട്.....
അതുകൊണ്ടു, പ്രേരിയപ്പെട്ടവരേ, ഭൂതകാലസ്മരണ അത്ര മോശപ്പെട്ട കാര്യമൊന്നുമല്ല .
ഇനി ദുഃഖപർണ്ണമായ പഴയ കാലമുള്ളവർക്കും അതോർക്കുമ്പോൾ ആലോചിക്കാം, തീയിൽ കൊരുത്തതു വെയിലത്തു വാടില്ല എന്ന സത്യം.......

ആവർത്തന വിരസത ഉണ്ടാകുന്നെങ്കിൽ ക്ഷമിയ്ക്കുക ....

(മുഴുവനായില്ല...).
with your permission ............