ഈ വർഷം വിജയദശമിക്കു ഒന്നും ചെയ്യാനില്ലല്ലോ എന്ന് കുണ്ഠിതപ്പെട്ട് ഇരിക്കുകയായിരുന്നു. അപ്പോളാണ് അടുത്ത വീട്ടിലെ ആയുധപൂജയില് പങ്കെടുത്ത് തിയോമി വരുന്നത്. നമ്മുടെ വീട്ടിലെന്താ പൂജയില്ലാത്തെ എന്ന ചോദ്യം. അവള്ക്കും പൂജ ചെയ്യണം. ശരി, പൂവും മറ്റും കൊണ്ടുവരൂ, നമുക്കിപ്പോല്ത്തന്നെ ചെയ്യാം എന്ന് പറഞ്ഞപ്പോള് അവള് തുള്ളിച്ചാടി.
നെലും ഉടനെ പൂമാല വാങ്ങിക്കൊണ്ടു വരാൻ കുട്ടിയെ കൂട്ടിപുറത്തേയ്ക്ക് പോയി. .
ഞാൻ വീടു വൃത്തിയാക്കി ഉമ്മറത്ത് ഒരു സ്വസ്തി വരച്ചു. കുങ്കുമവും മറ്റും കൊണ്ട് അലങ്കരിച്ചു .
മാലയുമായി അമ്മയും മകളും എത്തി .ലിഫ്റ്റിൽ നിന്നും ഇറങ്ങി,വീട്ടുവാതിലിന്റെ മുന്നിൽ വരച്ച കോലം കണ്ട് കുട്ടി തുള്ളിച്ചാടി .
ഒരു തട്ടിൽ അടുത്തവീട്ടിൽ ഒരുക്കിയ അതേ പോലെ നാളികേരം ഉടച്ചു പകുത്തു വെച്ചു., പഴം ,കർപ്പൂരം ,പൂക്കൾ ,ചെറുനാരങ്ങാ , ദീപം ,ചന്ദനത്തിരി, കുറിക്കൂട്ടുകൾ (കളഭം ,കുങ്കുമം,മഞ്ഞൾ )) എന്നിവയും തട്ടില് ഒരുക്കി. .
ഒരു തട്ടിൽ അടുത്തവീട്ടിൽ ഒരുക്കിയ അതേ പോലെ നാളികേരം ഉടച്ചു പകുത്തു വെച്ചു., പഴം ,കർപ്പൂരം ,പൂക്കൾ ,ചെറുനാരങ്ങാ , ദീപം ,ചന്ദനത്തിരി, കുറിക്കൂട്ടുകൾ (കളഭം ,കുങ്കുമം,മഞ്ഞൾ )) എന്നിവയും തട്ടില് ഒരുക്കി. .
തിയൊമിയുടെ എ ബി സി ഡി പുസ്തകങ്ങളും മറ്റും പൂജയ്ക്ക് വെച്ചു. പൂജയുടെ തട്ടെടുത്ത് ബുദ്ധന്റെ പ്രതിമയുടെ മുമ്പിൽ ഞങ്ങൾ ഉത്തരേന്ത്യന് രീതിയിൽ ആരതി നടത്തി. കുഞ്ഞിക്കൈ പിടിച്ചു കുട്ടിയെക്കൊണ്ടു ആരതി ഉഴിയിച്ചു. ചന്ദനത്തിരിയും,കർപ്പൂരവും ഉഴിഞ്ഞു തുളസിപ്പൂക്കൾ ആരാധിച്ചു . കുട്ടിയുടെ ബലൂണുകളും പൂമാലയും ചാർത്തി അലങ്കരിച്ച സൈക്കിളിന് കുറിതൊടുവിച്ചു. അമ്മയുടെ ലാപടോപിനും, പപ്പയുടെ പുസ്തകറാക്കിനും പൂജനടത്തി . അങ്ങിനെ ഞങ്ങളുടെ ആയുധപൂജ ഗംഭീരമായി. കുട്ടിക്കുണ്ടായ സന്തോഷം എഴുതാൻ വാക്കുകളില്ല ......
.കഴിഞ്ഞില്ലാ .....മൂന്നാം നിലയിൽനിന്നു താഴെ കാർപോർച്ചിൽ എത്തി. വാച്ച്മാന് കാറും ബൈക്കും ഗംഭീരമായി പൂജിച്ചു. കെട്ടിടത്തിൻറെ മുന്നിൽ കുമ്പളങ്ങ ഉടച്ചു, ടയറിനുമുന്നിൽ മുന്നിൽ വെച്ച ചെറുനാരങ്ങയുടെ മുകളിൽക്കൂടെ അമ്മ കാറ് കയറ്റിയപ്പോൾ ചെറുനാരങ്ങ പൊട്ടിച്ചതഞ്ഞതുകണ്ടു കുട്ടി കൈ കൊട്ടിച്ചിരിച്ചു...
എല്ലാവർക്കും വിജയദശമി ആശംസകൾ .......
No comments:
Post a Comment